Mbrëmjen e sotme, Forcat e Ndërhyrjes së Shpejtë (FNSH) në bashkëpunim me Policinë e Vlorës dhe sektorin e Krimeve të Rënda kanë zhvilluar kontrolle të befasishme në disa zona të qytetit dhe në akset kryesore rrugore.
Raportohet se kontrollet janë përqendruar në banesa ku dyshohet se mund të fshihen persona me rrezikshmëri të lartë, si dhe në automjete luksoze dhe me xhama të errët, që shpesh përdoren për t’u shmangur identifikimit nga policia.
Operacioni është zhvilluar në disa lagje të qytetit dhe në hyrje-daljet kryesore të Vlorës, ndërsa pjesë e kontrollit janë bërë edhe ambiente të dyshuara për strehimin e personave në kërkim.
