Florian Wirtz është kthyer në një nga lojtarët më të kërkuar të momentit, interesi për yllin gjerman është shumë i madh dhe pas tij janë vënë në ndjekje disa klube të njohura.
Së fundmi, gazetari i njohur gjerman Florian Plettenberg, ka zbuluar se ku do të transferohet ylli i Leverkusen në fund të këtij sezoni.
“Nga informacionet që kam, ai fillimisht dëshiron të shkojë te Bayern Munich dhe më pas të transferohet diku tjetër larg Gjermanisë”, shkruan Plettenberg.
Leverkusen është e gatshme të heq dorë nga ylli i tyre nëse paguhet klauzola e vendosur për Wirtz që është 140 milionë euro, kontrata e 21-vjeçarit me “Aspirinat” skadon në vitin 2027. Për Wirtz interesohen Real Madrid, Manchester City, Manchester United, PSG, por favoriti kryesor është Bayern Munich.
Plettenberg shton se Uli Hoeness, presidenti i nderit të bavarezëve është shumë i përfshirë në këtë çështje dhe po bën ç’të jetë e mundur për të sjellë Wirtz në Mynih.
