Sipas autosprint, FIA ka vendosur të kryejë matje të reja mbi motorin e ri të Mercedes, këtë herë në kushte të nxehta, për të verifikuar diapazonin e kompresionit. Kontestimi ka nisur që para fillimit të parasezonit të F1 me “shakedown”-in pesëditor në Circuit de Barcelona-Catalunya dhe lidhet me rregullat e reja që hyjnë në fuqi në 2026.
Disa skuadra kanë ngritur dyshime se motori i ri i fabrikës gjermane mund të arrijë një raport kompresimi më të lartë se ai i lejuar nga rregullorja teknike: 18:1 në vend të 16:1. FIA fillimisht deklaroi se gjithçka ishte brenda rregullave, pasi kompresioni u mat “në të ftohtë” dhe me njësitë e fuqisë të hequra nga makina.
Megjithatë, debatet nuk u shuan. Pas ditëve të para të testimeve, ku motori i Mercedes (që përdoret edhe nga McLaren, Alpine dhe Williams) u dallua për shpejtësi, ritëm dhe besueshmëri, Toto Wolff reagoi ashpër ndaj akuzave, duke thënë se komunikimi me FIA-n ka qenë i qartë dhe se skuadrat duhet të merren me problemet e tyre, jo të kërkojnë mënyra të reja kontrolli.
Por, sipas medias italiane, FIA po planifikon t’i rikthehet testimit statik të motorëve V6 si më parë, por këtë herë “nën nxehtësi”, duke nisur nga Çmimi i Madh i Australisë. Qëllimi është të verifikohet nëse motorët e Mercedes e kalojnë kufirin 16:1, pasi burime të ndryshme sugjerojnë se një kompresion më i lartë mund të sjellë një avantazh prej 15–20 kuajfuqi. Mattia Binotto, drejtues i Audi-t, e cilësoi një avantazh të tillë si vendimtar për performancën dhe kohën për xhiro, ndërsa Ferrari përmendet si një tjetër skuadër që ka ngritur shqetësime
