Policia e Kosovës për mes një njoftimi ka bërë me dije se 17 persona janë shoqëruar në polici gjatë festimeve të Vidovdanit. Sipas njoftimit të arrestuarit janë vënë në pranga pasi kanë nxitur urrejtje dhe se mbanin veshur rroba me përmbajtje provokuese në kundërshtim me ligjin. Policia shtoi se festimet kanë kaluar kryesisht qetë dhe pa incidente madhore.
‘‘Të gjitha veprimet policore janë realizuar në bashkëpunim dhe koordinim me organet e drejtësisë, me vendim të të cilëve një të dyshuari i është shqiptuar masa e ndalimit mbi dyshimin e bazuar për veprën penale armëmbajtje pa leje, një tjetri i është shqiptuar fletëparaqitje për kundërvajtje, 4 të tjerë janë liruar, kurse 11 të tjerë janë në procedurë të intervistimit’’, thuhet në njoftim.
