Presidenti i Shqipërisë Bajram Begaj ka uruar të gjithë besimtarët bektashinj për festën e Sulltan Nevruzit.
Në këtë ditë të shenjtë, Begaj i uron të gjithë besimtarëve kudo që janë begati e mirësi.
“Gëzuar Sulltan Novruzin, të dashur besimtarë bektashinj!
Kjo ditë e shenjtë, që vjen së bashku me pranverën, sjelltë begati e mirësi në çdo vatër tuajën dhe të çdo shqiptari!”
Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar. Në Shqipëri Dita e Novruzit, festa më e rëndësishme e Bektashizmit, u dekretua si festë kombëtare në vitin 1996.
