Kopshti në Gramsh ka rifilluar punën ditën e djeshme pas disa ditësh pezullime për shkak të helmimit të ushiqmit me salmonelë. Sipas infromacioneve, në kopsht janë rikthyer vetëm fëmijët që kanë rezultuar negativë nga analizat.
Ndërkohë bëhet me dije se kopshti nr.1 vazhdon të funksionojë pa shërbim guzhine, pasi dreka është pezulluar. Sipas AKU-së pritet përgjigjet e analizave e 6 fëmijëve. Gjithashtu AKU thotë se mostrat e marra në fermën e prodhimit të vezëve dhe në kompaninë furnizuese kanë rezultuar negative.
Por deri më tani rezulton se helmimi i fëmijëve në kopshtin publik nr.1 në Gramsh erdhi pikërisht për shkak të vezëve që ata kanë konsumuar. Në media është raportuar më herët se kompania që furnizon kopshtin në fjalë me ushqime është “Nelsa Sh.p.k.”, teksa për rastin kanë nisur hetimet nga Prokuroria e rrethit të Elbasanit.
