Federico Chiesa është shumë pranë largimit nga Liverpool për t’u rikthyer në Serie A. Sulmuesi nuk ka mundur dot të fitojë një vend titullari te klubi i kuq dhe është i hapur për një rikthim në Itali.
Mësohet se skuadra e Napoli-t e sheh Chiesa-n si zëvendësuesin ideal për Khvicha Kvaratskhelia, i cili u transferua te PSG për 75 milionë euro. Aftësia e Chiesa-s për t’u përshtatur në pozicione të ndryshme sulmuese dhe përvoja e tij në Serinë A janë faktorë që kanë shtyrë drejtuesit e Napoli-t të negociojnë për transferimin e tij.
Drejtuesit e klubit napolitan do të kërkojnë huazimin e tij me detyrim blerjeje në fund të sezonit, propozimi i tyre ende nuk dihet nëse do të pranohet nga drejtuesit e Liverpool apo jo. Gjithsesi, dy klubet janë në fazat fillestare të negocimit dhe deri në fund të merkatos së janarit gjithçka mund të ndodhë.
