Detaje të reja kanë dalë në dritë nga vrasja në Itali e ish-gardianit të burgut, Fatos Cenaj, ngjarje e ndodhur në qershor të këtij viti.
Mediat italiane kanë bërë me dije se një fqinj i tij është marrë nën hetim si i dyshuar si autor i vrasjes, iniciuar kjo nga konfliktet e vazhdueshme qe Cenaj kishte me të për rrethimin e pronave të tyre.
Aktualisht italiani, identiteti i të cilit nuk është bërë publik për mediat, po hetohet për veprën penale “vrasje të qëllimshme”, teksa dyshohet se ka planifikuar me përpiktmëri të gjithë ngjarjen.
Aktualisht i dyshuari është nën kujdesin e qendrës së shëndetit mendor dhe se është punonjës i një fabrike në zonën ku dhe banon.
Referuar rindërtimit të ngjarjes, autori u fsheh pas disa pemëve duke pritur viktimën të kalonte në rrugën që ndiqte çdo ditë për të shtuar në punë, disa qindra metra larg fermës Dindo, ku Cenaj dhe ishte i punësuar.
Në momentin që Fatos Cenaj ka kaluar në zonë, është qëlluar me një plumb në kokë nga autori i vrasjes. Si pasojë e plagës, Cenaj ndërroi jetë disa ditë më vonë në spital.
Gjatë kohës që ai ka jetuar në Shqipëri, Cenaj ka punuar si gardian burgu. Një ndër pistat që është hetuar është dhe ajo e hakmarrjes për shkak të detyrës që viktima ka ushtruar vite më parë në Shqipëri.
