Shiko videon KËTU!
Një video nga performanca e yllit botëror të muzikës pop, Dua Lipa, në Los Angeles, ka tronditur publikun dhe ka ndezur reagime të forta në rrjetet sociale.
Pamjet, të cilat u bënë virale në pak orë, tregojnë këngëtaren teksa afrohet pranë publikut për të përshëndetur dhe për të bërë foto me fansat, por një burrë përfiton nga momenti dhe e prek atë në mënyrë të papërshtatshme.
“Faleminderit që jeni këtu,” dëgjohet Dua teksa përqafoi burrin, por videoja tregon qartë se ai fillimisht i vendos dorën në shpinë, e më pas e lëviz më poshtë, në vithe.
Rojet e sigurisë reaguan menjëherë, duke ia larguar dorën dhe duke e mbrojtur këngëtaren.
Ngjarja ka shkaktuar indinjatë të madhe në rrjetet sociale. Vajza që publikoi videon në platformën X (ish-Twitter) shkroi:
“Kjo më acaron shumë… Dua po përpiqet t’u afrohet fansave të saj dhe disa njerëz e keqpërdorin këtë në mënyrën më të ulët të mundshme. I urrej njerëz të tillë.”
Rasti ka hapur sërish debatin për mungesën e respektit ndaj kufijve personalë të artistëve, sidomos gjatë ngjarjeve publike.
