“Liverpool Echo” raporton se Evertoni ka hequr dorë nga ideja për të rikthyer Armando Brojën te Chelsea në merkaton e janarit, për shkak të dëmtimit që pësoi sulmuesi kuqezi ndaj Peterborough në FA Cup.
Evertoni nuk ka mundur dot të gjejë alternativa të reja në sulm gjatë merkatos së janarit dhe së dyti stafi mjekësor i klubit mendon se dëmtimi i Brojës nuk ishte aq i rëndë sa u tha fillimisht.
Koha e rikuperimit të shqiptarit pritet të jetë 1 muaj e gjysmë dhe në fund të marsit të jetë në dispozicion të trajnerit David Moyes.
Madje, thuhet se Broja do kthehet më shpejt në fushë sesa sulmuesi tjetër i dëmtuar Dominic Calvert-Lewin. Tek Evertoni janë besimplotë që Broja do rikthehet shpejt në fushë dhe do jetë i gatshëm t’i ndihmojë në pjesën më vendimtare të sezonit.
