Federata e Futbollit do të organizojë në muajin mars turneun e dytë europian për vitin 2025, duke mirëpritur ndeshjet e raundit të dytë të grupit B6, të vlefshme për Kampionatin Europian U-17 “Shqipëri 2025”. Në këtë grup bëjnë pjesë Shqipëria, Azerbajxhani dhe Uellsi, me ndeshjet që do të zhvillohen në Shqipëri më 19, 22 dhe 25 mars.
Tashmë janë përcaktuar edhe oraret dhe stadiumet e këtyre përballjeve. Shqipëria do të luajë ndeshjen e parë të këtij raundi ndaj Azerbajxhanit më 19 mars në stadiumin “Elbasan Arena”, në ora 15:00. Takimi i dytë i grupit, mes Uellsit dhe Azerbajxhanit, do të zhvillohet më 22 mars, po në “Elbasan Arena”, në 12:00. Raundi do të mbyllet me përballjen mes Shqipërisë dhe Uellsit, e cila do të luhet më 25 mars në ora 15:00 në “Shtëpinë e Futbollit”.
Gjatë kësaj periudhe, në kuadër të Kampionatit Europian U-17, do të zhvillohen edhe ndeshjet e fazës “Elite Round”, ku do të përcaktohen shtatë ekipet finaliste të Euro 2025. Këto skuadra do t’i bashkohen Shqipërisë, e cila është kualifikuar direkt në fazën finale si vend organizator.
