Kreu i Bashkisë së Tiranës që ndodhet në paraburgim, Erion Veliaj, ka shfuqizuar vendimin për delegimin e detyrave të kryebashkiakut tek nënkryetarja Anuela Ristani, përmes një shkrese të firmosur nga paraburgimi i Durrësit.
IliriaNews.al ka siguruar dokumentin, ku Veliaj urdhëron që nënkryetarja tjetër, Sara Goxhaj, të marrë detyrën për të drejtuar bashkinë më të madhe të vendit.
Ky vendim ka hyrë në fuqi që nga dita e djeshme dhe do të mbetet në fuqi deri në një urdhër të ri.
Erion Veliaj është arrestuar pas një hetimi të SPAK, nën akuzat e korrupsionit pasiv, shpërdorimit të detyrës dhe pastrimit të parave.
