Seanca për shqyrtimin e kërkesës për ndryshimin e masës së sigurisë ndaj kryebashkiakut të Tiranës, Erion Veliaj, është shtyrë për më 23 prill.
Sipas raportimeve, prokurori i çështjes, Ols Dado, ka paraqitur veprimet hetimore të kryera deri më tani, ndërsa mbrojtja ka kërkuar kohë shtesë për t’u njohur me dosjen hetimore.
Veliaj u arrestua më 10 shkurt 2025 nga Prokuroria e Posaçme (SPAK), me akuzat për korrupsion dhe pastrim parash.
Sipas SPAK, ai dhe bashkëshortja e tij, Ajola Xoxa, dyshohet se kanë ngritur një skemë për përvetësimin e fondeve publike në mënyrë të paligjshme.
