Para dhjetë vitesh, Ergys Pepaj udhëtoi ilegalisht drejt Anglisë, por sot historia e tij është një shembull frymëzimi që tejkalon çdo ëndërr. Karriera e tij nisi me një pasion të thellë për futbollin dhe postime të thjeshta në rrjetet sociale, ndërsa tani ai është një nga emrat më të njohur në futbollin britanik, me dhjetëra bashkëpunime me yjet e Premier League dhe miliona ndjekës.
Nga të gjithë lojtarët me të cilët ka bashkëpunuar, Granit Xhaka dhe Roberto Carlos janë dy emra që e kanë prekur thellë. Në veçanti, braziliani Carlos e ka bërë Ergysin pjesë të ekipit të tij, ku ai luan përkrah legjendës tjetër braziliane, Gilberto Silva.
Megjithatë, statusi i tij si emigrant ilegal ka ngushtuar mundësitë për të, duke e bërë rrugëtimin e tij më të vështirë dhe më sfidues. Por, pavarësisht pengesave, Ergysi ka arritur të bëhet një nga reklamuesit më të shquar të Shqipërisë në Angli.
Aktualisht, ai luan futboll gjysmëprofesionist me një qëllim të qartë: të veshë një ditë fanellën e kombëtares shqiptare.
