Kryeministrja italiane Giorgia Meloni u bë protagoniste e një momenti sa gazmor aq edhe të sikletshëm gjatë një bisede informale në margjinat e një samiti për paqen në Gaza, ku ndodhej në shoqërinë e presidentit turk Recep Tayyip Erdogan dhe atij francez Emmanuel Macron.
Erdogan, i njohur për fushatat e tij kundër duhanit, i tha Melonit: “Dukesh shumë mirë. Por duhet të të bëj të lësh duhanin.”
Në atë çast, Macron ndërhyri me një buzëqeshje duke u shprehur: “Është e pamundur!”, duke nënvizuar vështirësinë e këtij misioni.
Meloni reagoi me humor: “E di, e di… nuk dua të vras dikë.”
Me këtë batutë, ajo la të kuptohej se lënia e duhanit do ta bënte tepër nervoze.
