Gjatë vizitës së tij të fundit në Egjipt, Presidenti turk Recep Tayyip Erdogan bëri një dhuratë simbolike për homologun egjiptian, Abdel Fattah al-Sisi, duke ia ofruar makinën elektrike Togg, automjetin e parë turk me emetime zero.
Ky akt ndodhi menjëherë pas nënshkrimit të disa marrëveshjeve bilaterale dhe një konference të përbashkët për shtyp, duke theksuar përkushtimin e dy vendeve për bashkëpunim.
Togg, që dallohet për ngjyrën e saj të kuqe “Anatolia”, përfaqëson një hap të madh për Turqinë në drejtim të automobilizmit të qëndrueshëm.
Prodhimi i këtij automjeti filloi në 29 tetor, pikërisht në ditën e 99-vjetorit të themelimit të Republikës së Turqisë.
TOGG, konsorciumi që qëndron pas këtij projekti, është themeluar në vitin 2018 dhe ka si objektiv të bëjë Turqinë të pavarur nga prodhuesit e huaj të automjeteve.
Në ceremoninë e dhurimit, Erdogan ishte në prani të Ministrit turk të Industrisë dhe Teknologjisë, Mehmet Fatih Kasır.
Fotografitë e dy presidentëve brenda makinës në kopshtet e Pallatit Ittihadiya, residencës presidenciale të Egjiptit, ilustrojnë marrëdhëniet e ngushta mes dy vendeve.
Pas ceremonisë, Erdogan udhëtoi me Togg në hotelin ku u mbajt sesioni i Forumit të Biznesit Turqi-Egjipt, i drejtuar nga al-Sisi.
