16 emigrantët e parë kanë mbërritur mëngjesin e kësaj të mërkure në kampin e Gjadrit në Shëngjin, por mesa duket dy prej tyre janë kthyer mbrapsht.
Ky kthim është bërë pasi dy prej emigrantëve që erdhën ishin minorenë. Anija “Libra” ndodhet ne det dhe të miturit janë duke u dërguar me skaf deri në anije.
Procedura e aplikimit për azil pritet të përfundojë brenda 4 javësh. Emigrantët që plotësojnë kriteret do të transferohen në Itali, ndërsa ata që nuk e kanë këtë të drejtë do të riatdhesohen pas qëndrimit në kamp.
16 emigrantët e parë që erdhën në vendin tonë udhëtuan me anijen e patrullimit 80 metra të gjatë, e cila ishte e shoqëruar nga një ekuipazh prej rreth 70 ushtarësh.
