Mesfushori argjentinas ka ambicie plotësisht logjike për fazën e tij aktuale te Chelsea.
Enzo Fernández iu bashkua londinezëve në janar të vitit 2023 dhe që atëherë është shndërruar në një figurë kyçe në mesfushën e Bluve.
Detajet: Në një intervistë për Koora Break, Fernández u shpreh se ëndrra e tij më e madhe tani është të fitojë Ligën e Kampionëve dhe Premier League me Chelsean.
Deklarata:
“Ëndrra ime është të fitoj Champions League ose Premier League me klubin. E dimë se çfarë do të thotë kjo për Chelsean. Mundohemi ta përfaqësojmë në mënyrën më të mirë çdo ditë dhe në çdo ndeshje”, tha Enzo Fernández.
Aktualisht, Chelsea renditet në vendin e tretë me 20 pikë pas 11 javëve, gjashtë pikë larg kreut. Në Champions League, londinezët pozicionohen në vendin e 12-të me shtatë pikë nga katër ndeshje.
