EMRI/ Identifikohet pronari i arsenalit të armëve në Nikël, nga banesa e tij doli makina e autorëve të atentatit në Rinas

Tre ditë pas ekzekutimit mafioz të Gilmando Danit pranë Aeroportit të Rinasit, policia zbuloi një arsenal armësh në Nikël të Fushë-Krujës.

Sipas policisë, Ylli Zalla, i cili është shpallur në kërkim është pronar i armëve. Nga banesa e tij dyshohet gjithashtu se ka dalë makina e vrasësve të Rinasit.

Gjatë kontrolleve u gjetën në këtë banesë:

-3 kallëpë tritol;

-12 granata dore sulmuese;

-sasi lëndësh plasëse gati për shpërthim, të montuara me kapsolla detonatore, fitil zjarrpërcjellës dhe celularë(mina);

-3 ndezës granatash, kapsolla detonatore dhe 5 celularë;

-4 armë zjarri (2 automatikë dhe 2 pushkë), 8 krehra dhe pjesë armësh;

-6000 fishekë të kalibrave të ndryshëm;

-2 kg e 25 gramë Cannabis.