Një ngjarje e rëndë ka ndodhur ditën e djeshme në Itali ku nga shpërthimi i një fabrike fishekzjarrësh në Campania të Italisë, ka ndërruar jetë një 18-vjeçar shqiptar dhe dy binjakë 20-vjeçarë.
Të rinjtë ishin në ditën e tyre të parë të punës, ku ishin punësuar për të prodhuar fishekzjarrë në një magazinë e cila nuk plotësonte kushtet e sigurisë. Viktimat janë identifikuar si Samuel Tafciu, dhe binjaket Sara dhe Aurora Esposito, 26 vjeçe.
Magazina, një fabrikë ilegale, ishte ngritur gjatë fundjavës dhe nuk kishte marrë asnjë autorizim nga organet kompetente. Samuel Tafciu, me origjinë nga Shqipëria, pak kohë më parë kishte mbushur 18 vjeç dhe katër muaj më parë ishte bërë baba i një vajze të vogël. Ai jetonte në Herculaneum, jo shumë larg vendit të tragjedisë.
