Policia e Shtetit ka arritur të identifikojë autorin e dyshuar të vendosjes së një sasie lënde plasëse në portën hyrëse të garazhit të shtetasit E. K., ngjarje e ndodhur më datë 24 korrik 2025, në rrugën “Peti”.
Si rezultat i hetimeve të thelluara nga strukturat e Komisariatit të Policisë Nr. 1, në bashkëpunim me njësitë hetimore të tjera, është bërë i mundur identifikimi dhe shpallja në kërkim e shtetasit:
Klodian Steli, 36 vjeç, banues në Fushë Krujë.
Po ashtu, është lokalizuar dhe sekuestruar automjeti me të cilin dyshohet se është kryer lëvizja gjatë realizimit të ngjarjes kriminale.
Policia po punon intensivisht për lokalizimin dhe kapjen e këtij shtetasi, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme ligjore.
Hetimet vijojnë për të zbuluar motivin dhe rrethana të tjera të kësaj ngjarjeje.
