Policia e Durrësit ka arrestuar 24-vjeçarin, Mariglen Ibrahimi, i cili vodhi një piceri gjatë natës.
Në lidhje me këtë ngjarje është shpallur në kërkim bashkëpunëtori i tij, 30-vjeçari, Edison Tufa. Blutë bëjnë me dije se dy të rinjtë në bashkëpunim me njëri-tjetrin, kanë vjedhur një shumë parash në një piceri mbrëmjen e 11 janarit.
“Specialistët për Hetimin e Krimeve të Komisariatit të Policisë Durrës, nga veprimet hetimore të kryera për vjedhjen me thyerje të një shumë parash, në një piceri në lagjen nr. 13, më datë 11.01.2025, kanë identifikuar 2 autorët e dyshuar të rastit.
Në vijim të veprimeve, u kap dhe u vu në pranga njëri prej tyre, shtetasi M. I., 24 vjeç, banues në lagjen nr. 13, Durrës, si dhe u shpall në kërkim tjetri, shtetasi E. T., 30 vjeç, banues në Arapaj, Durrës. Punohet për kapjen e 30-vjeçarit”, njoftoi policia.
