Presidenti i Shteteve të Bashkuara, Donald Trump, ka deklaruar se mund të marrë në konsideratë edhe Shqipërinë si një mundësi për të strehuar palestinezët që janë larguar nga Rripi i Gazës.
Në takimin e tij me mbretin e Jordanisë, Trump u pyet nga gazetarët nëse po shqyrton mundësinë e dërgimit të palestinezëve në vende të tjera përveç Egjiptit, duke përmendur Shqipërinë dhe Indonezinë. Ai u përgjigj: “Po, sigurisht. Ka shumë vende të tjera që janë të gatshme të përfshihen.”
Trump ka sugjeruar gjithashtu idenë që popullsia e Gazës të rivendoset në shtete të tjera, ndërsa Shtetet e Bashkuara mund të marrin kontrollin mbi Gazën për ta rindërtuar atë.
Ky plan ka marrë mbështetje nga Izraeli, por është hasur në kundërshtimin e fortë nga bota arabe dhe udhëheqësit palestinezë.
