Kreu i Prokurorisë së Posaçme kundër Korrupsionit dhe Krimit të Organizuar, Altin Dumani këtë të hënë ka prezantuar raportin e punës vjetore të institucionet që drejton para Këshillit të Lartë të Prokurorisë.
Dumani ndërsa prezantoi të gjitha arritjet e institucionit gjatë vitit 2024, ka renditur edhe problematikat me të cilat hasen prokurorët e posaçëm gjatë punës së tyre.
I pyetyr në lidhej me ekstradimin dhe mos ekstradimin e të dënuarve shqiptarë nga Emiratet e Bashkuara Arabe.
Dumani u përgjigj se edhe kjo është një problematikë e adresuar dhe po punohet që të jetë në kompetencën e Prokurorisë së Posaçme.
“Ekstradimi i shtetasve shqiptarë që janë dënuar apo kërkohen nga shtetet e tjera, ne vlerësojmë se për shkak të bashkëpunimit të lartë me homoloogët tanë, këta shtetas që janë dënuar dhe hetohen nga autoritetet e huaja duhet të ekstradohen. Gjithashtu po vlerësohet se ekstradimi i këtyre shtetasve drejt autoritet të huaja të jetë në kompetencën e Prokuroris së Posaçme.
Nisur edhe nga fakti që këta shtetas janë shqiptarë, akuzuar, hetuar apo dënuar për vepra penale që kanë të bëjë me krimin e organizuar, do ishte e përshtatshme që edhe ekstradimi i drejtuar autoriteteve të huaja të ishte në kompetencën e SPAK, por jemi të vetëdijshëm që ka nevojë për ndryshime në kodin penal që të bëhet e mundur kjo”, – tha Dumani.
