Policia ka dalë me reagim zyrtar lidhur me sasinë e eksplozivitqw u gjet mbrwmjen e djeshme në vendin e quajtuar “Veliera” në Durrës. Në njoftim thuhet se pakoja me lëndë plasëse ishte lidhur me një celular të ngjitur me natriban. Bëhet me dije se grupi hetimor vijon hetimet për zbardhjen e rrethanave të ngjarjes, identifikimin dhe kapjen e autorit/ve.
Zona është mbajtur e rrethuar nga policia për disa orë dhe qarkullimi u ndërpre, derisa eksplozivi u shpërthye në mënyrë të kontrolluar nga ekspertët xhenierë.
NJOFTIMI I POLICISË:
Durrës/Më datë 20.05.2025, rreth orës 22:30, në lagjen nr. 1, në vendin e quajtur “Veliera”, është konstatuar një pako me lëndë të dyshuar plasëse.
Menjëherë pas marrjes së njoftimit, shërbimet e Policisë shkuan në adresën e dhënë dhe vendosën perimetrin e sigurisë, ndërsa njësia antieksploziv e RENEA-s kreu veprimet për çaktivizimin e pakos me lëndë plasëse që ishte lidhur me një celular të ngjitur me natriban.
Grupi hetimor, në drejtimin e Prokurorisë, po punon për zbardhjen e rrethanave të rastit, identifikimin dhe kapjen e autorit/ve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
