Egnatia dhe Vllaznia kanë ndarë nga një pikë në barazimin 2-2 spektakolar në Rrogozhinë, në fund të një ndeshje shumë të bukur dhe dramatike ku ndodhi gjithçka por edhe ku ne shkallet e stadiumit, edhe pse dite jave dhe dite pune, kishte rreth 2500 tifoze dhe shume nga ata te ardhur nga Shkodra per te mbeshtetur kuqeblute qe jane gjithashtu ne garen per final four.
Egnatia diktoi ritmin në pjesën e parë dhe ia doli të shënonte me anë të Lushkjes, kurse shkodranët dukeshin shumë pak thumbues. Por me aktivizimin e Grudës në pjesën e dytë, loja e shkodranëve ndryshoi plotësisht. Ata nisën sulme të njëpasnjëshme drejt portës së Dajsinanit, goditën shtyllën, fituan një penallti që u anulua dhe në minutën e 80 gjetën barazimin me anë të Malës.
Egnatia reagoi, duke u përgjigjur me golin e Fernandos që dukej se po mbyllte ndeshjen. Por vetëm pak minuta më vonë Deliu fitoi penallti në anën tjetër, me Grudën që transformoi saktësisht, duke vulosur një barazim të çmendur mes dy skuadrave.
Ne ndeshjet e tjera, bie ne sy fitorja e Dinamos 1-0 ndaj Partizanit me golin e Baton Zabërgja, por qe ne fund mund t’i ikte nga duart pasi nje penallti e dhene per “demat” u humb nga Domgjoni, qe goditi shtyllen. Dinamo e dominoi takimin dhe mund te kishte shenuar me shume gola. Partizani vazhdon krizen dhe tani duhet te shohe mbrapa pasi Elbasani po vjen dhe eshte 4 pike larg. Verdheblute fituan sfiden e tyre ndaj Laçit. E ndersa Tirana barazoi me Bylis, Teuta perfitoi dhe me fitoren 1-0 ndaj Skenderbeut mer pak fryme dhe pse renditja eshte super e ngjeshur per zonen mbijetese duke qene 5 skuadra aty aty…
Java e 32-të e Kategorisë Superiore do të nisë për Bajram! Mund të duket absurde por është e vërtetë, pasi FSHF ka caktuar, siç ka ndodhur edhe herë të tjera, që të mos lërë pushim futbollistët as në këtë ditë feste duke planifikuar për të dielën pjesën më të madhe të ndeshjeve të Superiores.
Sfidat nisin në orën 17:00 kur në Korçë do të luhet një duel shumë interesant mes Skënderbeut dhe Dinamos. Më pas, në darkë, në orën 20:00, Vllaznia pret Teutën, ndërsa Partizani do të presë Laçin. Sipas kalendarit të planifikuar nga FSHF, dy sfidat e tjera luhen të hënën, me Bylisin që pret Egnatian në drekë dhe duelin Elbasani-Tirana që mbyll javën.
KALENDARI
E diel, 30.03.2025
Skënderbeu-Dinamo ora 17:00
Vllaznia – Teuta ora 20:00
Partizani – Laçi ora 20:00
E hënë, 31.03.2025
Bylis-Egnatia ora 15:00
Elbasani-Tirana ora 18:00
