Egli Tako ka tërhequr vëmendjen me deklaratat e saj për aktorin e humorit Olsi Bylyku, me të cilin ka pasur një lidhje të gjatë prej pesë vitesh, e cila përfundoi dy vite më parë.
Në një bisedë së fundmi Egli ka shprehur se këngëtari nga Kosova, Gjesti, i cili hyri në shtëpi para një jave, i kujton shumë Olsin. “Më kthen shumë pas në kohë Gjesti, po më kujton Olsin,” u shpreh ajo.
Egli theksoi se ngjashmëritë mes Gjestit dhe Olsit nuk janë vetëm fizike, por lidhen edhe me personalitetin e tyre. “Janë shumë të ngjashëm me mendimet, me tipin. Kur flasim seriozisht po më tremb. Më bën shumë për të qeshur dhe njerëzit që bëjnë për të qeshur janë të rrezikshëm,” shtoi këngëtarja.
Kujtojmë se Olsi Bylyku dhe Egli Tako ishin një nga çiftet më të dashura për publikun gjatë lidhjes së tyre, por ndarja e tyre përfundoi pa shumë detaje publike. Nga ana tjetër, Olsi ka formalizuar lidhjen e tij të re me gazetaren Denada Lura.
