Egli Tako ishte e ftuara e mbrëmjes në emisionin Canapé, ku për herë të parë pas daljes nga Big Brother Albania theu heshtjen dhe ndau me publikun detaje nga jeta e saj pas spektaklit.
Në intervistë, ajo foli për planet profesionale, projektet e reja muzikore dhe bashkëpunimin me një shtëpi të re mediatike. Por vëmendje të veçantë mori komenti i saj për marrëdhënien me Gjestin, që vazhdon të jetë në fokusin e publikut.
Ashtu siç ishte raportuar më parë nga Prive by Liberta Spahiu, Egli konfirmoi se raporti mes saj dhe Gjestit nuk ka ndryshuar pas daljes nga shtëpia.
“Kemi kontakt herë pas here. Marrëdhënia jonë ka mbetur njësoj si brenda shtëpisë,” u shpreh ajo.
Egli tregoi gjithashtu se kishte parë videon ku Gjesti, gjatë një koncerti, puthi bluzën me fotografinë e tyre. “I dërgoj një puthje nga studio, ashtu siç bëri edhe ai,” tha ajo me një buzëqeshje.
Megjithatë, Egli theksoi se nuk dëshiron të japë më shumë detaje për raportin me Gjestin, duke respektuar dëshirën e tij për ta mbajtur këtë aspekt të jetës larg vëmendjes publike, siç ishte shprehur edhe në Post Big Brother Albania.
Në fund, Egli u shpreh se ndihet gati për një fillim të ri në skenën muzikore dhe është e përkushtuar ndaj projekteve që do të sjellin një dimension të ri në karrierën e saj artistike.
