Një efektiv policie, i cili ushtronte detyrën e tij në qarkun e Kukësit dhe një punonjës i një biznesi janë konfliktuar ditën e sotme në zonën e quajtur “Malajziani” në kryeqytet.
Sipas informacioneve paraprake, bëhet me dije se konflikti ka nisur, pasi punonjësit e një lokali i kanë kërkuar efektivit të largonte makinën e parkuar pranë ambientit të tyre. Kjo duke pretenduar se po pengonte zonën e shërbimit.
Debati ka agravuar dhe ka përfunduar në përplasje verbale dhe nxjerrje të armës nga ana e policit. Në pamjet e kamerave të sigurisë duket momenti kur polici i nxjerr armën e shërbimit djalit me të cilin është në konflikt. Në lidhje me këtë rast, Agjencia e Mbikëqyrjes Policore ka nisur një hetim, nda efektivit të policisë. Ai po hetohet në gjendje të lirë.
