Edon Zhegrova do të jetë në formacionin titullar të Juventusit në ndeshjen e sotme të Champions League kundër skuadrës qipriote Pafos. Dueli do të zhvillohet në Allianz Stadium dhe nis në orën 21:00.
Juventusi dhe Pafos janë të barabarta me nga gjashtë pikë në renditje dhe fitorja është jetike për t’u afruar drejt kualifikimit në fazën “playoff”.
Skuadra bardhezi ka mbërritur pak minuta më parë në stadium, ku lojtarët përshëndetën tifozët e pranishëm dhe u drejtuan menjëherë drejt dhomave të zhveshjes për përgatitjet finale.
Formacioni zyrtar i Juventusit (3-4-2-1):
Di Gregorio; Kalulu, Kelly, Koopmeiners; McKennie, Locatelli, Miretti, Cambiaso; Zhegrova, Yildiz; David.
Trajner: Spalletti
Formacioni zyrtar i Pafos (3-4-2-1):
Michael; Luckassen, David Luiz, Bruno, Sunjic, Pepé, Orsic; Correia, Dragomir; Anderson Silva.
Trajner: Carcedo
Për Zhegroven, kjo është një mundësi e madhe për të treguar vlerën e tij në një ndeshje të rëndësishme europiane, ku pritet të jetë një nga pikat kyçe të sulmit bardhezi.
