Momente dramatike dhe tronditëse ndodhën sot në Serie A gjatë ndeshjes mes Fiorentinës dhe Interit, kur mesfushori i Fiorentinës, Edoardo Bove, u rrëzua papritur në fushë.
Në një situatë alarmante, lojtarët e të dyja ekipeve u mblodhën përreth tij për të ofruar ndihmë, ndërsa tifozët dhe stafi kërkuan ndërhyrjen urgjente të ambulancës. Ambulanca vonoi të hyjë në fushë, duke shkaktuar tension në mesin e lojtarëve dhe publikut.
Pas ndihmës së parë në fushë, Bove u dërgua me urgjencë në spital. Sipas raportimeve të Sky Italia, ai tani po merr frymë vetë dhe ndodhet në gjendje të qëndrueshme, megjithëse është ende pa ndjenja. Lojtari do t’i nënshtrohet kontrolleve të mëtejshme mjekësore.
Ndeshja u pezullua përkohësisht ndërsa lojtarët, dukshëm të tronditur, u kthyen në dhomat e zhveshjes. Serie A nuk ka dhënë ende një deklaratë zyrtare për statusin e ndeshjes apo për ngjarjen. Detaje të tjera pritet të dalin në vijim.
