Të dhënat për 2024 tregojnë se, megjithëse numri i turistëve u rrit në 11.7 milionë (15.3% më shumë krahasuar me vitin 2023), ata kanë shpenzuar më pak, mesatarisht 384 euro, krahasuar me 416 euro në 2023.
Shpenzimet totale të turistëve të huaj arritën në 4.8 miliardë dollarë, me një rritje prej 54.7% krahasuar me vitin para-pandemi. Shpenzimet e turistëve vendas ishin 950 milionë euro. Sipas ekspertëve, edhe pse turizmi ka regjistruar të ardhura të mëdha, Shqipëria ende nuk ka arritur të zhvillojë një turizëm elitar, pasi shumë turistë vijojnë të udhëtojnë me buxhet të ulët.
Sipas të dhënave nga Instituti i Statistikave, vitin e shkuar Shqipërinë e vizituan më shumë turistë nga Kosova, Italia, Maqedonia e Veriut, Mali i Zi dhe Greqia.
