Një aksident rrugor i ka marrë jetën 48-vjeçarit shqiptar, emigrant prej vitesh në Itali. Aksidenti i rëndë ndodhi në Altopascio ndërsa viktimë mbeti Fatmir Muslia.
Sipas mediave italiane, Fatmir Muslia, i cili punonte si shofer kamioni, në rrethana ende të paqarta goditi nga pas një tjetër kamion. Familja Muslia hapi dje dyert e mortit ku të shumë ishin qytetarët që morën pjesë.
Ai lë pas gruan e tij, Blerinën, dhe fëmijët e tij, Fabiano dhe Fabiola. Fabio kishte qenë në Itali përreth njëzet vjet, veçanërisht në Altopascio, ku ishte integruar më së miri, informon media e vendit fqinj.
“Aq shumë saqë frekuentonte shpesh një klub në kryeqytet, ku luante bilardo, një nga pasionet e tij. Por shumë e shihnin atë në Badia Pozzeveri dhe më gjerë.
“Vinte gjithmonë. Ishte gjithmonë i sjellshëm, i dashur, duke folur me miqtë, një person vërtet i mrekullueshëm. Jemi thellësisht të trishtuar; kur e dëgjuam lajmin, mezi e besonim. Por për të gjithë, ai ishte një njeri për t’u admiruar. Gjithmonë i saktë në punë, kurrë i pakëndshëm. Ai ndërmerrte edhe udhëtime të rëndësishme; ishte një lloj “padroncino”, siç njihen në zhargon për shoferët e vetëpunësuar të kamionëve, sipërmarrësit e vegjël që zotërojnë një ose më shumë automjete dhe transportojnë mallra për palë të treta”, dëshmuan miqtë.
