Një ngjarje tragjike ka goditur futbollin shqiptar mbrëmjen e sotme. Gjatë ndeshjes gjysmëfinale të kampionatit amator 9×9, mes skuadrave FC Dajti dhe FC Luminesa, një futbollist ka ndërruar jetë në rrethana dramatike.
Bëhet fjalë për 28-vjeçarin Bledar Hajdari, lojtar i ekipit të Dajtit, i cili ka pësuar një atak kardiak teksa ndodhej në fushën e lojës.
Pavarësisht përpjekjeve për ta dërguar me urgjencë në spital, ai nuk ia doli të mbijetojë. Humbja e tij ka lënë të tronditur komunitetin sportiv dhe jo vetëm.
Hajdari e kishte nisur karrierën me të rinjtë e Internacional, ndërsa më pas është ishte aktivizuar edhe me Kevitan, Valbonën, Orikumin dhe Skraparin. Pas një muaji ai do të mbushte 29 vjec, por goditja në zemër i mori jetën.
