Pas muajsh thashetheme në mediat rozë, Enca Haxhia më në fund ka vendosur të thyejë heshtjen dhe të flasë hapur për statusin e saj sentimental.
Prej kohësh ishte përfolur se këngëtarja i kishte dhënë fund lidhjes me partnerin e saj afrikan, por deri më sot ajo kishte zgjedhur të mos reagonte publikisht.
Në një postim në Instastory, gjatë një sesioni pyetje-përgjigje me ndjekësit, njëri prej tyre e pyeti nëse është beqare. Me stilin e saj karakteristik, Enca u përgjigj shkurt dhe prerë: “E vetme, vajza më seksi e momentit.” Me këtë deklaratë ajo konfirmoi për herë të parë ndarjen, duke i dhënë fund spekulimeve të shumta.
Edhe pse nuk ndau detaje për arsyet e ndarjes apo momentin kur ndodhi ajo, reagimi i saj tërhoqi menjëherë vëmendjen e ndjekësve dhe mediave online.
Pavarësisht gjithçkaje, Enca duket se po e kalon këtë periudhë me vetëbesim dhe energji pozitive, duke forcuar imazhin e një gruaje të pavarur dhe të fuqishme.
