Mesfushori i Newcastle, Sandro Tonali, dëshiron të qëndrojë në klub për një kohë të gjatë falë mbështetjes që i dha klubi anglez gjatë skualifimit për vënie bastesh.
24-vjeçari dëshiron të qëndrojë në St James’ Park pasi Newcastle i qëndroi pranë gjatë skualifimit të tij 10-mujor sezonin e kaluar.
Sipas Telegraph, Tonali nuk po i kushton vëmendje thashethemeve që e lidhin atë me transferime te Man City dhe një rikthim në Itali te Juventusi.
Tonali është bërë padyshim një nga mesfushorët qendrorë më të mirë në botë, duke shënuar pesë gola dhe duke dhënë tre asiste në 41 ndeshjet e tij në të gjitha kompeticionet.
Skuadra e Eddie Howe duket se do të kualifikohet në edicionin e ardhshëm të Champions League, duke u renditur në vendin e tretë me 62 pikë kur kanë mbetur edhe katër ndeshje nga fundi i Premier League.
