Një lajm i trishtë është raportuar pasditen e djeshme nga Kosova, pasi 26-vjeçarja Zana Gjevukaj që u aksidentua më 1 prill të këtij viti nga një automjet i drejtuar nga një zyrtar policor në fshatin Qyshk të Pejës, ka ndërruar jetë në spital pas disa javësh në gjendje të rëndë shëndetësore.
Familjarët e Zanës kanë njoftuar ndarjen nga jeta të së resë përmes një postimi prekës në rrjetet sociale:
“Ike shumë e re shpirt bardha jonë, shpirti yt i bardhë u prehtë në paqe motra ime,” thuhet në postimin e vëllait të të ndjerës.
Zana, e cila punonte si edukatore, nuk mundi t’i mbijetonte plagëve të rënda që mori nga aksidenti. Ngjarja shkaktoi reagime të shumta në opinionin publik, për shkak të përfshirjes së një efektivi policie.
Sipas policisë, shoferi dyshohet se po lëvizte me shpejtësi të madhe në rrugë dhe nga pakujdesia përplasi viktimën, e cila po ecte në këmbë.
IliriaNews shpreh ngushëllimet më të sinqerta familjarëve, të afërmve dhe miqve të Zanës!
