Sëmundjet alergjike në Shqipëri kanë dyfishuar numrin e pacientëve. Sipas mjekëve alergologë, faktorët e ndryshimeve të temperaturës, ku shihen ditë të ngrohta dhe të ftohta brenda të njëjtit muaj për shkak të ngrohjes globale, si dhe ndotja e ajrit, kanë kontribuar në rritjen e numrit të personave me probleme alergjike në vend.
Sipas alergologes Eris Mësonjësi, e cila ka dhënë një intervostë për TvKlan, “Numri i pacientëve me probleme alergjike është dyfishuar dhe përfshin të gjitha grupmoshat. Shumica e këtyre janë sëmundje kronike.”
Një shqetësim i madh për mjekët është zgjerimi i kohës së qëndrimit të sëmundjeve alergjike dhe ndikimi i më shumë se një alergeni, duke e bërë më të vështirë trajtimin për pacientët.
“Fëmijët që kalojnë më shumë kohë në mjedise të mbyllura dhe janë të ekspozuar ndaj maceve, qenve dhe alergjenëve të tyre bëhen më të ndjeshëm. Ndotja e ajrit i bën polenët më të dëmshëm për alergjitë stinore. Edhe ngrohja globale ka ndikim. Shpërthimi i disa poleneve në të njëjtën kohë i bën sëmundjet më të vështira për t’u diagnostikuar, sepse është e vështirë të dallosh nëse shkaktoni alergji nga poleni i barit apo i pemës,” shton Mësonjësi.
Mjekët theksojnë se problemi i alergjive përfshin çdo moshë, nga fëmijët tek të moshuarit. Një alergji e pa trajtuar mund të çojë në zhvillimin e asmës bronkiale.
“Alergjitë respiratore mund të çojnë gjithmonë në rrezikun për të zhvilluar astmë bronkiale,” thekson alergologia. Për këtë arsye, mjekët rekomandojnë konsultimin me një alergolog për trajtimin e sëmundjeve alergjike.
