Policia e Durrësit, në bashkëpunim me Interpol Tiranën, ka finalizuar me sukses operacionin e koduar “Brothers”, duke arrestuar dy vëllezër që ishin shpallur në kërkim ndërkombëtar nga autoritetet italiane.
Shtetasit E. H., 32 vjeç dhe A. H., 34 vjeç, banues në fshatin Manzë, akuzohen nga Gjykata e Breshias për pjesëmarrje në një organizatë kriminale që merret me trafikimin e lëndëve narkotike.
Njoftimi i policisë pohon se operacioni “Brothers” u realizua pas informacioneve të marra nëpërmjet rrugëve operative, si dhe nga bashkëpunimi me struktura të tjera të sigurisë.
Gjatë operacionit, policia kryeu kontrolle të shumta për të siguruar kapjen e dy vëllezërve. Ndërsa ata ishin në këkimin aktiv për akuzat e rënda që përballen, arrestimi i tyre është një arritje e rëndësishme në luftën kundër krimit të organizuar dhe trafikimit të drogës.
Pas arrestimit, ecuria e procedurave do të vijojë me ndihmën e Interpol Tirana, e cila do të bashkëpunojë me Interpol Romën për realizimin e ekstradimit të dy vëllezërve në Itali.
