Dy lëkundje sizmike janë regjistruar pasditen e sotme në Shqipëri, brenda një harku kohor prej më pak se 20 minutash.
Tërmeti i parë u shënua në orën 18:12 me orën lokale (16:12 UTC), me një magnitudë prej 1.9 të shkallës Rihter. Epiqendra ishte vetëm 4 kilometra në lindje të Tiranës, në një thellësi prej 13 kilometrash. Lëkundjet janë ndjerë lehtë në kryeqytet, por nuk raportohet për dëme.
Vetëm 17 minuta më pas, në orën 18:29, një tjetër tërmet u regjistrua me magnitudë 2.3, në një zonë 5 kilometra në jugperëndim të qytetit të Krujës dhe rreth 18 kilometra në veri-perëndim të Tiranës. Ky tërmet ndodhi në një thellësi prej 15 kilometrash.
Sipas të dhënave paraprake, tërmetet nuk kanë shkaktuar asnjë dëm material apo lëndime, por janë ndjerë nga banorët në zonat përreth. Institucionet e monitorimit vijojnë të ndjekin situatën.
