Një debat interesant është ndezur mes dy ikonave të futbollit botëror, Cristiano Ronaldo dhe Ronaldo Nazario, të njohur ndryshe si “Fenomeni”.
Gjithçka nisi pas deklaratës së CR7, i cili u shpreh se e konsideron veten lojtarin më të mirë në historinë e futbollit.
Në një reagim, Ronaldo Fenomeni komentoi me diplomaci, por pa e fshehur mospajtimin e tij.
“Cristiano Ronaldo thotë se është më i miri në histori? Nuk më pëlqen të flas për këto gjëra. Disa njerëz kanë shumë vetëbesim. Unë gjithmonë kam preferuar që të tjerët të flasin për atë që kam bërë, jo unë vetë,” u shpreh ish-sulmuesi brazilian.
Ai megjithatë e vlerësoi lart karrierën e yllit portugez:
“Cristiano ka një histori fantastike. Ka arritur gjëra të jashtëzakonshme, ka shënuar çdo lloj goli dhe është përshtatur mrekullisht në role të ndryshme, nga krahu i majtë në qendër të sulmit. Kjo nuk është aspak e lehtë.”
Por kur u pyet nëse CR7 është më i miri në histori, Fenomeni u përgjigj prerë:
“Jo, nuk pajtohem me këtë. Ai është padyshim mes më të mirëve, ndoshta në top 10, por jo më i miri.”
Ky qëndrim i Ronaldo Nazarios ka ndezur diskutime të shumta në rrjetet sociale, ku tifozët ndahen mes dy legjendave që kanë lënë gjurmë të pashlyeshme në futbollin botëror
