4 mars është dita e fundit për emigrantët të cilët duan të regjistrohen në procesin elektoral të parlamentareve 2025. Kujtojmë që kjo është hera e parë që Shqipëria në procesin e votimit, përfshin dhe votën e diasporës, e realizuar kjo nga ngritja e sistemit PER ku të gjithë shqiptarët që kanë emigruar jashtë trojeve, të kenë mundësinë për të ushtruar të drejtën e votës pa patur nevojë të jenë në Shqipëri.
Deri më tani, nga rezultet e publikuara në faqen zyrtare të Komisionit Qëndror Zgjedhor (KQZ), 249,615 janë kërkesa të miraturara dhe 86,478 janë refuzuar. Refuzimi i kërkesave për votim, vjen si pasojë e disa arsyjeve, nisur që nga dokumentacioni i paplotë ose i pasaktë e deri tek problematika të tjera, mjetet e identifikimit ose dhe adresat e vendbanimit të shkruara në sistem, etj.
Shqiptarët më të interesuar për të marrë pjesë në parlamentaret e 11 majit, janë nga Italia duke zënë 38.9% të totalit të votuesëve. Më pas renditet Greqia me 28.4%, e më poshtë Gjermania, SHBA si dhe Mbretëria e Bashkuar.
Një tjetër veçori që specifikohet në statistika është dominimi i grupmoshave të reja, përkatësisht 26-35 vjeç, të cilët zënë një vend prej 26.8%. Kjo grupmoshë i përket brezit të larguar së fundmi nga Shqipëria, të cilët zgjedhin të japin arsyet e tyre të emigrimit nëpërmjet votës.
