Lideri i Partisë Demokratike në sallën e Kuvendit ka kërkuar me urgjencë ligjin kundër George Sorosit.
Nga vendi i tij në sallë, Berisha iu drejtua socialistëve duke kërkuar që të miratojnë ligjin për desorosizmin e Shqipërisë, duke i paralajmëruar më tej se ai që do të bëjë PD pas zgjedhjeve të 11 Majit “do t’iu dhembë më shumë”.
“Një tërmet i madh politik ka ndodhur në botë dhe ju nuk mund të bëni të paditurin, nuk mund të fshihni se ky tërmet ka pasur pasqyrime apo reflektim më të madh pas SHBA në Shqipëri. Ky tërmet është përmbysja e Sorosizmit dhe ekstremit të majtë në SHBA po që pati reflektime të tmerrshme edhe në këtë vend.
Ju vazhdoni të bëni sikur do të mund ti mbani ato në këmbë. Të mbani në këmbë akte qëndrime të cilat janë në armiqësi të plotë jo vetëm me Shqipërinë por të gjitha vendet e lira, me vendet të cilat aspirojnë të mbeten të tilla. Ndaj me urgjencë ligji për desorosizmin e Shqipërisë është një emergjencë kombëtare, është më mirë të bëhet tani sesa kur ta bëjmë ne pas zgjedhjeve se do na thoni pop na persekutonin.
Më mirë të bëjmë një ligj tani, sepse ju e dëgjuat kongresin, vetëm tre organizata ku ju u nxituat për akte aktidemokratike dhe për plaçkitje të fondeve të SHBA ndaj dhe ligjin pranojeni më mirë si e keqja më e vogël për ju, se ai që do bëhet pas zgjedhjeve do t’ju dhembë më shumë”, tha Berisha.
Pjesë nga fjala e Sali Berishës:
Siç e shihni, një tërmet i madh politik ka ndodhur në btoë dhe ju nuk mund të bëni të paditurin. Nuk mund të fshiheni sepse ky tërmet ka pasur pasqyrime apo reflektimin më të madh pas SHBA në Shqipëri.
Ky tërmet është përmbysja e sorosizmit dhe ekstremit të majtë në SHBA, por që pati reflektime të tmerrshme edhe në këtë vend. Ju kërkoni ta kaloni në një kohë kur atje, në atë vend, çdo ditë presidenti firmos zinxhir dekretesh për desorosifikimin e SHBA, ju vazhdoni të bëni sikur do mund t’i mbani ato në këmbë.
Të mbani në këmbë akte, qëndrime, të cilat janë në armiqësi të plotë jo vetëm me Shqipërinë, por me të gjitha vendet e lira, me të gjitha vendet që aspirojnë të mbeten të tilla.
Ndaj me urgjencë ligji për desorosifikimin e Shqipërisë është një emergjencë kombëtare. Është më mirë të behet tani se sa kur ta bëjmë ne fill pas zgjedhjeve se do thoni po na persekutoni. Por unë u garantoj se do ketë të njëjtën peshë me ligjin që do bëhet për dekomunistizimin.
Pra, më mirë të bëjmë një ligj tani. Sepse ju e dëgjuat mbrëmë Kongresin e SHBA. Nuk janë më tash vetëm tre organizatat më të mëdha në botë partiake, por është institucioni themelor i demokracisë, ku ju u cituat për akte antidemokratike dhe për plaçkitje të fondeve të SHBA. Prandaj dhe ligjin pranojeni më mirë si e keqja më e vogël për ju, se ai do bëhet pas zgjedhjeve, u garantoj se do u dhembë shumë. Më mirë tani se pas zgjedhjeve.
