Donald Trump tha se zhvilloi një bisedë telefonike të gjatë dhe shumë produktive me presidentin rus Vladimir Putin.
Në një postim në platformën e tij “Truth Social”, presidenti amerikan shpjegoi se diskutuan për Ukrainën dhe Lindjen e Mesme.
Presidenti Trump deklaroi se të dy ranë dakord që të ndalojmë miliona vdekje që po ndodhin në Luftën me Rusinë/Ukrainë, shkruan BBC.
Ai shpjegon se do të punojnë së bashku ngushtë, duke përfshirë vizita të ndërsjella në vendet e tyre përkatëse.
“Ne gjithashtu kemi rënë dakord që ekipet tona përkatëse të fillojnë negociatat menjëherë dhe do të fillojmë duke telefonuar Presidentin Volodymyr Zelensky, të Ukrainës, për ta informuar atë për bisedën, diçka që unë do të bëj tani”, shkruan ai.
Trump shton se ai ka udhëzuar një ekip, duke përfshirë Sekretarin e Shtetit Marco Rubio, për të udhëhequr negociatat.
