Një 55-vjeçare është proceduar penalisht, pasi po udhëtonte drejt Greqisë përmes Kakavijës me 11800 euro të padeklaruara.
Policia bën me dije se gjatë kontrollit në çantën e shtetases E. R., u gjetën 11 800 euro, të cilat kjo shtetase nuk i kishte deklaruar konform ligjit.
Në vijim të veprimeve procedurale për rastin, u referuan materialet në Prokurori, ku nisi procedimi penal, për veprën penale “Mosdeklarimi në kufi i të hollave dhe i sendeve me vlerë”, për shtetasen E. R., 55 vjeçe, banuese në Greqi.
Gjithashtu, u sekuestrua në cilësinë e provës materiale, shuma e eurove.
