Gjykata e Posaçme ka dënuar me katër vjet burg avokatin Radovan Çela për dosjen “Toyota Yaris”. Çela përfiton nga gjykimi i shkurtuar dhe do të vuajë vetëm 2.8 vite burg.
Prokurori Klodian Braho kishte kërkuar dënimin e Çelës me 6 vite burg. Sipas organit të akuzës, Radovan Çela dyshohet se ka ofruar përfitime të paligjshme për të ndikuar në vendimarrjen e funksionarëve të drejtësisë. Në seancën e radhës, mbrojta ligjore e Çelës do japë konkluzionet përfunditarë dhe më pas gjykata do japë vendimin. Më herët, për të njëjtën çështje, prokurori Klodian Braho kërkoi edhe dënimin e ish kryeprokurorit të Vlorës Aurel Zarka me 3 vjet burg, vendim i cili do shpallet nga GJKKO javën e ardhshme, në datë 20 maj.
Çela ishte i shpallur në kërkim në kuadër të dosjes “Zarka”, ku edhe u vetëdorëzua në datën 5 mars. Çela ka shërbyer si përfaqësues ligjor i kushërinjve Alfred dhe Elvis Vladi, të arrestuar në vitin 2018 pas sekuestrimit të 3.4 milionë eurove në portin e Durrësit, si pjesë e të ashtuquajturës dosja ‘Toyota Yaris’. Po ashtu në dosjen ‘Toyota Yaris’ Radovan Çela akuzohet për korrupsion aktiv dhe ushtrimi ndikimi të paligjshëm, ndërsa Astrit Vlasi është vënë nën akuzë për korrupsion aktiv.
Dy ditë më parë, Gjykata e Posaçme vendosi dënimin me 4 vite burg për ish-kryeprokurorin e Vlorës Aurel Zarka, i cili me gjykim të shkurtuar u dënua me 2 vite e 8 muaj burgim. Prokuroria e Posaçme kishte kërkuar që Zarka të dënohej me 6.4 vite burgim. Zarka nuk mund të ushtrojë funksione publike për së paku pesë vite.
