Presidenti i SHBA-ve, Donald Trump do të organizojë mbrëmjen e sotme një darkë me të ftuar drejtuesit e lartë të kompanive gjigande të teknologjisë.
Lista e të ftuarve do të përfshijë bashkëthemeluesin e Microsoft, Bill Gates, drejtorin ekzekutiv të Apple, Tim Cook, drejtorin ekzekutiv të Meta, Mark Zuckerberg dhe një duzinë drejtuesish të tjerë nga firmat më të mëdha të inteligjencës artificiale dhe teknologjisë.
Një mungesë e dukshme në listën e të ftuarve është Elon Musk , dikur një aleat i ngushtë i Trump, të cilin presidenti republikan e ngarkoi me drejtimin e Departamentit të Efiçiencës së Qeverisë.
“Klubi i Kopshtit të Trëndafilave në Shtëpinë e Bardhë është vendi më i nxehtë për të qenë në Uashington, ose ndoshta në botë”, tha zëdhënësi i Shtëpisë së Bardhë, Davis Ingle, në një deklaratë.
“Presidenti mezi pret të mirëpresë udhëheqësit më të lartë të biznesit, politikës dhe teknologjisë për këtë darkë dhe darkat e shumta që do të vijnë në verandën e re dhe të bukur të Kopshtit të Trëndafilave.”
