Everton fitoi mbrëmë 2-0 ndaj Peterborough në “Goodison Park” për FA Cup, duke u kualifikuar pa probleme në raundin tjetër.
Një ndeshje e zakontë për këtë fazë të Fa Cup, por që mund të shkruhej historia fare mirë, nësë trajneri i miqve do të ishte treguar pak më zemërgjerë.
Darren Ferguson, djali i legjendës Sir Alex Ferguson, që drejton Peterborough, nuk i dha asnjë minutë lojë Tyler Young, që do të kishte mundësinë të luante përballë të atit, Ashley Young, anësorit të Everton.
Tifozë të shumtë dhe jo vetëm, të gjithë janë në rrjetet sociale janë duke kritikuar Darren Ferguson që nuk i’a dha mundësinë 18-vjeçarit të luante ndeshjen që do ta mbante mend gjatë, pra kundër babait të tij, por edhe anasjelltas, pasi për Ashley Young do ishte një kujtim fantastik sidomos tani që është në fund të karrierës.
