Një natë historike për futbollin shqiptar, dhe veçanërisht për Dinamon e Tiranës. Skuadra e drejtuar nga Ilir Daja shkroi një faqe të re në historinë e saj në stadiumin “Air Albania”, duke mundur 3-1 pas 120 minutash lojë gjigantët e Hajdukut të Splitit dhe duke arritur për herë të parë kalimin e dy tureve në kompeticionet evropiane.
Pas humbjes 2-1 në ndeshjen e parë në Kroaci, “Blutë” hyjnë në fushë me besim dhe qëllim të qartë. Në minutën e 14-të, Zabërgja, pas një asistimi të saktë nga Bregu, shpërtheu festën në tribunat e stadiumit. Pas një ndëshkimi me karton të kuq ndaj Sanyangut të Hajdukut në minutën e 78-të, dinjiteti i kroatëve ra, por koha e rregullt përfundoi 1-0, duke çuar ndeshjen në shtesa.
Emocionet u shtuan në minutën e 99-të, kur Karacic barazoi për Hajdukun, duke e ngrirë për një moment atmosferën për tifozët e Dinamos. Por skuadra tiranase reagoi në mënyrën më të mirë të mundshme: në minutën e 109-të, Qardaku goditi nga 25 metra, duke rikthyer avantazhin për ekipin e tij. Pësë minuta më vonë, Hekuran Berisha i dha goditjen e fundit Hajdukut, duke realizuar golin e tretë dhe përmbyllur fitoren historike, duke shpërthyer stadiumin në festë.
Në fund, një natë të paharrueshme për Dinamon dhe tifozët e saj, me trajnerin Ilir Daja që regjistroi kualifikimin e 14-të në karrierë. Me këtë fitore, Dinamo eliminon Hajdukun dhe do të përballet me Jagiellonian e Polonisë në play-off të Conference League, duke shpresuar të shkruajë një kapitull të ri dhe të suksesshëm në historinë e klubit.
