Orët e para të mëngjesit vendi ynë do të nisë me alternime kthjellimesh dhe vranësirash të shpeshta, të cilat herë pas here do të sjellin reshje shiu dhe dëbore.
Reshjet më të dukshme do të paraqiten në zonat veriore dhe pjesërisht në qendër, ndërsa në zonat malore përgjatë shtrirjes Lindore, do të ketë reshje të pakta dhe të izoluara dëbore.
Përmirësimi i kushteve atmosferike pritet gjatë orëve të pasdites dhe mbrëmjes, duke sjellë një përmirësim të theksuar të situatës atmosferike në të gjithë territorin.
Temperaturat e ajrit do të regjistrojnë një rënie të mëtejshme, me vlera që do të luhaten nga -3°C në mëngjes deri në 16°C në mesditë, në rang territori.
Era do të jetë e fortë, me shpejtësi maksimale deri në 60 km/h nga drejtimi Verilindor, duke sjellë dallgë deri në 6 ballë në brigjet detare.
